विजय कुंभार यांच्या विशेष बातम्या,लेख व विश्लेषण: डीएसके घोटाळा : शिरिष कुलकर्णी जामीन अर्जावर उद्या कोल्हापुरात तर परवा मुंबई उच्च न्यायालयात सुनावणी …

Wednesday, May 2, 2018

डीएसके घोटाळा : शिरिष कुलकर्णी जामीन अर्जावर उद्या कोल्हापुरात तर परवा मुंबई उच्च न्यायालयात सुनावणी …

डी.एस.कुलकर्णी डेव्हलपर्सचे ( डीएसकेडीएल) चे व्यवस्थापकीय संचालक आणि मुख्यकार्यकारी अधिकारी शिरिष कुलकर्णी याच्या जामीन अर्जावरील सुनावणी आज मुंबई उच्च न्यायालयाने ४ मे पर्यंत पुढे ढकलली.


दरम्यान कोल्हापूर येथे दाखल असलेल्या गुन्ह्या प्रकरणी शिरिष कुलकर्णीच्या अटकपूर्व जामीन अर्जावर उद्या म्हणजे ३ मे रोजी कोल्हापूर न्यायालयात सुनावणी होणार आहे.
ठेविदार आणि सदनिका धारकांची शेकडो कोटी रुपयांची फसवणूक केल्या प्रकरणी डीएसकेडीएल आणि त्यांच्या संचालकांच्या इतर कंपन्यांवर पुणे मुंबई आणि कोल्हापुर येथे गुन्हे दाखल आहेत .



पुण्यातील गुन्हाप्रकरणी मुंबई उच्च न्यायालयाने आपली फसवणूक केल्याबद्दल ताशेरे ओढल्यानंतर आणि त्यांना अटकेपासून दिलेले संरक्षण काढून घेतल्यानंतर पुणे पोलिसांनी दीपक आणि हेमंती यांना दिल्ली येथून अटक केली होती . आता दोघेही मागील २.५ महिन्यांपासून न्यायालयीन कोठडीत आहेत.

याच प्रकरणात पुण्याच्या विशेष न्यायालयाने प्रकरणाचे गांभिर्य आणि ठेवीदारांचे हित लक्षात घेउन शिरिष कुलकर्णी याचा जामीन अर्ज फेटाळला होता.



त्यापूर्वी शिरीष कुलकर्णी यांच्या अटकपूर्व जामीन अर्जावर सुनावणी घेण्यास मुंबई हायकोर्टानं नकार दिला होता. शिरीष कुलकर्णी यांनी पुण्याच्या सेशन्स कोर्टात न जाता थेट हायकोर्टात धाव घेतल्याने प्रथम सेशन्स कोर्टात अटकपूर्व जामीन अर्ज करण्याचे निर्देश हायकोर्टानं दिले होते.
त्यानंतर शिरीष कुलकर्णी याने केलेला  अटकपूर्व जामीन विशेष न्यायालयाने  फेटाळला होता.
हा अर्ज फेटाळताना  विशेष न्याया लयाने ‘या गुन्ह्यात शिरीष कुलकर्णी हे आरोपी आहेत, की नाही हे ठरविणे तपास अधिकाऱ्यांचे काम असून यामध्ये वृद्ध, निवृत्त अधिकाऱ्यांची फसवणूक झाली आहे. त्यांनी लेखी म्हणणेदेखील सादर केले आहे. या गुन्ह्यात मोठ्या प्रमाणावर ठेवीदारांची फसवणूक झाली आहे. प्राथमिक तपासात फसवणुकीची रक्कमही मोठी असल्याचे दिसत असल्याचे  निरिक्षण नोंदवले होते‘


त्यानंतर शिरिषने मुंबई उच्च न्यायालयात धाव घेतली होती. त्यावर आता ४ मे रोजी सुनावणी होणार आहे.

Related Stories



Subscribe for Free

To receive free emails or free RSS feeds, please, subscribe to Vijay Kumbhar's Exclusive News & Analysis
                     
RTI KATTA is a platform to empower oneself through discussions amongst each other to solve their problems by using Right to Information act, Every Sunday at Chittaranjan Watika, Model Colony,Shivaji nagar, Pune, between 9.30 to 10.30 A.M.

RTI Resource Person, RTI Columnist
Phone – 9923299199

                   http://surajya.org/
Email     –   admin@vijaykumbhar.com
                     kvijay14@gmail.com

No comments:

Post a Comment